Alakamisy 14 Martsa 2019.

Fandalinana ny Boky 1 Mpanjaka

1 Mpanjaka 12.1-15

Maty i Solomona . I Rehoboama zanany izao no mpanjaka nandimby azy :

1-Mpanjaka tsara fiandoha. Voambara eto fa ny « ny Israely rehetra  » no nampanajaka an’i Rehoboama. Ary tsara izany satria mbola voatana ny firaisan’ny firenena araka ny nisy tamin’ny andron’i Solomona . Mazàna ihany ny fitondrana no tsara fiandoha toy izany : manomboka amin’ny zavatra tsara . Matetika ihany koa anefa no tsy voatana izany tsara teo am-piandohana izany .

2-Mpanjaka diso fifidy mpanolo-tsaina . Ny fangatahan’i Jeroboama dia fanamaivanana ny fanompoana . Hendry ny fanapahankevitr’i Rehoboama fa tsy maika hamaly izy . Nila saina tamin’ny tanora namany izy ary nifandinika tamin’ireo zokiolona . Ny zokiolona nanao : ekeo ny fangatahan’ny vahoaka. Ny tanora nanao hoe : aza ekena fa mainka koa tereo ny vahoaka . Fieritreritra ho an’ny mpitondra tanora izany , fandrao ratsy mpanolo-tsaina ka manaonao foana . Hoy i Petera: »Ary ianareo izay mbola tanora fanahy kosa dia maneke ny loholona . Eny , samia misikina fanetretena ianareo… » (1 Pet 5.5).

3-Mpanjaka voaozona . Hoy ny and 15 : « avy tamin’i Jehovah izany zavatra izany » . Indrisy , hihatra amin’i Rehoboamana ny faminaniana ratsy vokatry ny fahotan’i Solomona rainy .

« Raiso ny Tenin’ Andriamanitra » Boky faha- 3

Perikopa

Martsa: Manamasina fiainana ho an'ny Tompo

| | 24. Karemy II Alahadin'ny SAF FJKM
Jos 14.6-15 / Mat 5.13-16 / 1 Tes 2.1-12

| | 31. Karemy IV
2 Tant 29.1-11 / Mat 8.18-20 / 1 Pet 1.13-16

Aprily: Hazony ny famonjen'ny Tompo

| | 07. Karemy V
Sal 40.11-17 / Mat9.14-17 / 1 Tim 4.6-10

| | 14. SAMPANDROFIA
Isa 62.6-12 / Lio 9.57-62 / Rom 6.15-19

FJKM Fahazavana

Toriteny Mpitandrina Zarazaka Jean Louis

ZARAZAKA Jean Louis, Mpitandrina ,
Mahamasina / 20 01 2019