Alatsinainy 11 Martsa 2019.

Fandalinana ny Boky 1 Mpanjaka

1 Mpanjaka 11.1-13

Taorian’ny famirapiratana tsy hay lazaina dia tonga eo amin’ny takila faran’izay maizina isika:

1-Nanambadimbady foana i Solomona . Olona efa voalaza mazava fa nadraran’ny Tompo hoe aza vadina no mbola nangalany vady ihany (and1-2)…vady 700+300=1000 be izao . Nanoratra ny « Tononkira tsara indrindra » momba ny fitiavana izy , kanefa tsy nahay nitandro ny fitiavana tsara . Indrisy! mila mitandrina fatratra isika fa hirika mety handavantsika ny Tenin’ Andriamanitra ny fanambadiana olona tsy araka ny sitrapony : havana akaiky tsy tokony hovadina , na olona tsy mpino efa fantatra toetra na vadin’olona nangalarina…

2-Lasa nanompo sampy i Solomona . Izao sampy samihafa izao dia nanaovany fanatitra avokoa, rehefa antitra izy (and4). Mampalahelo izany : antitra indray vao misary adala , ary ny adidy voalohany amin’ny Didy folo mihitsy no nohitsakitsahiny (Eks 20.3). Tandremon’ny lehilahy fa mody malemy ny vehivavy , nefa vehivavy no nampihinana an’i Adama ny voankazo nandrarana (Gen 3.9 )Vehivavy no nampanota fatratra an’i Ahaba mpnjaka (vakio 1 Mpanj 21.25) ary vehivavy no nahasolaka an’i Solomona , ilay mpanjaka « hendry » teto ka nirehitra taminy ny fahatezeran’ny Tompo (and 9-13) .

« Raiso ny Tenin’ Andriamanitra » Boky faha-3

Perikopa

Septambra: Manompoa ny Tompo amin'ny fahamasinana

| | 22. Ala.XVIman .Trinite-Sampanasa FFP
1 Tant 28.9-10 /Jao 15.1-8 /Rom 12.1-2

| | 29. Ala.XVII man.Trinite
Eze 20.39-44 /Mat 26.6-13 /Heb 12.25-29

Oktobra: Maniria ny haminany

| | 06. Ala.XVIII.Trinite
Nom 11.23-27/Lio 7.36-50/1Kor 14.1-6

| | 13. Ala. XIX man.Trin-Radio Protestanta FFPM
1 Sam19.19-24/Jao 11.47-53/Apo11.1-6

FJKM Fahazavana

TORITENY : EKSODOSY 12.15-17