15 Febroary 2019.

Fandalinana ny boky 1 Mpanjaka

1 Mpanjaka 1.22-37

Mihazakazaka ny fandehan’ny toe-draharaha manoloana ny fanandratan-tena ho mpanjaka nataon’i Adonia .

1-Nandray andraikitra i Batseba sy i Natana

Notanterahiny ny zavatra nifanarahany : niteny i Batseba ary tonga nanamafy ny teniny i Natana . Sarobidy ny toy izany . Indraindray manko ny tetika iaraha-manomana fa rehefa hatao tokoa , mihemotra ny sasany . Ianao koa, sahia mandray andraikitra.

2-Nitana ny teny nomeny i Davida. Tsy nivadika tamin’ny teny efa nataony izy : i Solomona zanany tamin’i Batseba no ho mpanjaka nandimby azy. Koa nandray andraikitra avy hatrany izy ho fampiharana izany . Mivavaha mba hananantsika mpitondra fanjakana mahatoky toy izany : olona tsy mivadika amin’ny teny nataony ary sahy miroso tsy misy hataka andro amin’ny fanatanterahana izany .Mariho fa fanapahankevitra lehibe tsy maintsy natao maika izany ary sahy nanao izany i Davida na dia efa antitra aza.

3-Nijoro ho sakaiza mahatoky ireo mpiara-miasa amin’i Davida. Nomen’i Davida baiko hampanjaka an’i Solomona izy ireo ary nanaiky hanatanteraka izany .Mivavaha mba hisian’ny sakaiza mahatoky toy izany hiara-miasa amin’ny mpitondra fanjakana mba ho voasoroka ny loza eto amin’ny firenena .

« Raiso ny Tenin’ Andriamanitra » Boky faha- 3