Alahady 03 Febroary 2019.

Fandalinana ny Boky 2 Samoela

2 Samoela 19.16-31

Nandresy an’ady i Davida ka hody. Ahoana ny fihetsiny tamin’ireo tsy mba nomba azy ?

1-I Simey. Io ilay nanozona azy fony izy nitsoaka nandositra an’i Absaloma (2 Sam16.5). Izao anefa , nony hitany fa nandresy i Davida dia izy indray no voalohany nitseana azy sy nifona. Na dia nampirisika hamono azy aza i Abisay , dia tsy nanao izany i Davida. Toetra mendrik’andriana toa izany :mahay mamela ny nitsangana ho fahavalo izay manatona hifona.

2-I Mefiboseta. Nanome tsiny azy i Davida, kanefa nihaino ny fanazavany koa . I Mefiboseta rahateo dia nampiseho ampahibemaso ny nahalasanan’i Davida. Izany no hevitr’ilay hoe: »tsy nanasa tongotra na namboatra volombava na nanasa lamba izy hatramin’ny andro nialan’ny mpanjaka ka hatramin’ny andro nahatongavany soa amantsara » (and25). Naneho ny firaiketam-pony tamin’i Davida izy fa ampy ho azy ny nandraisan’i Davida azy hiray latabatra aminy (and31). Ary isika , mba vonona hahafoy ny zavatra rehetra ve isika noho ny amin’i Jesoa , ka hihira marina ilay hoe: »Ahy i Jesoa , ampy izay » (Hira FFPM 479.1).

« Raiso ny Tenin’ Andriamanitra « Boky faha-3

Perikopa

Aogositra: Miadia ny ady tsaran'ny finoana

| | 18. Alah IX man.Trinite / Aumonerie Nas
Jos 6.20-23 / Mar 5.25-34 / Heb 11.1-12

| | 25. Alah X man Trinite
Nom 13.30-14.9 / Mat 15.21-28 / Apo 3.14-22

Septambra: Manompoa ny Tompo amin'ny fahamasinana

| | 01. Alah.XI man.Trinité
Eks 12.15-17 / Lio 2.21-24 / Efe 4.11-16

| | 08. Alah XII man.Trinite /AFF
Jos 24.19-28 / Lio 10.38-42 / Asa 6.1-7

FJKM Fahazavana

Toriteny Alahady 19 Mey 2019 - Fjkm Isotry Fitiavana