Alakamisy 06 Desambra 2018.
Fandalinana ny Boky 1 Samoela
1 Samoela 19.1-18
Mifanohitra tanteraka i Saoly sy i Jonatana zanany.
1-Saoly :
lehilahy tsara laza sy nandresy lahatra fatratra an’ Andriamanitra teo amin’ny toetra sy finoana ary fitondrantena izy (1 Sam 9.2,10.1-11) teo am-boalohany .Ny ankamaroan’ny olona anefa rehefa nomena na nahazo fahefana dia tsy mety na manaiky ho fehezin’ Andriamanitra sy ny teniny ka mihevi-tena ho zavatra sy feno fiavonavonana. Latsaka tamin’izany i Saoly ,izay nodimbiasan’ireo mpitondra sasany maro nandritra ny taonjato maro mandraka ankehitriny. Tanjony :handringana sy hamotika izay rehetra manohitra azy. Mpahazo antsika koa izany indrindray eo amin’ny sehatra tànantsika hanilihana ny hafa.
2-Jonatana:
Sakaiza tonga hatramin’ny fanolorantena izy (1Sam 18.4,19.2). Nanao sorona ny ainy hanitsy sy hananatra ny rainy (and4-5), ary hiaro sy hampahery an’i Davida (and2-3). Mila mifananatra sy mifanitsy manko ny zanaka sy ray aman-dreny amin’izay toetra ratsy rehetra mitranga , ka tsy hifampijery arina an-tava, na hifanao hena-maso fa Andriamanitra tsy mizaha tavan’olona amin’izay ratsy , ary miantra sy mamindra fo amin’izay rehetra mpampihavana (Rom 14.19)
« Raiso ny Tenin’ Andriamanitra« : Boky faha- 3