Alarobia 05 Desambra 2018.
Fandalinana ny Boky 1 Samoela
1 Samoela 18 .10-30
Misy fombateny telo miverimberina mampieritreritra eto:
1-« Ary i Saoly natahotra an’i Davida » (and12,15,29)
Ny tora-defona nataon’i Saoly sy ny nandefasany azy ho mpitari-tafika mba ho faty any ary ny tetika hanome azy ny zanany vavy ho vady ka hitakiana mariky ny fahafatesan’ny Filistina 100 lahy mba hahafaty azy amin’ny ady atao any , dia vokatry ny tahotra an’i Davida avokoa. Tadidio fa matahotra anao olon’ Andriamanitra ange ny fahavalonao e!
2-I Jehovah nomba an’i Davida » (and12,14,28)
Io no tsiambaratelon’ny hery sy ny fahombiazan’i Davida ka nahatonga an’i Saoly hatahotra mafy azy . Niandany taminy ny Tompo . Fa marina tokoa ilay hoe: »Raha Andriamanitra no momba antsika,iza no hahatohitra antsika? » (Rom 8.31) . Tsarovy fa efa toky nomen’i Jesoa antsika koa izany (Mat 28.20).
3-« Ary i Davida dia hita hendry » (and 14,15)
Antony iray lehibe nahatonga an’i Saoly hatahotra an’i Davida koa ny fahendreny tamin’izay rehetra nataony . Tsy hita izay hanakianana azy. Nahomby sy nandresy izy . Tonga tia azy ny olom-peheziny . Mivavaha mba hananantsika mpitondra toy izany: feno fahendrena noho ny finoany ny Tompo ka na fofoina ho faty aza, mijoro ihany!
« Raiso ny Tenin’ Andriamanitra » Boky faha-3