Alatsinainy 03 Desambra 2018.

Fandalinana ny Boky 1 Samoela 

1 Samoela 17.41-54

Davida nandresy an’i Goliata tamin’ny herin’ Andriamanitra sy ny fatokiany Azy . Toy ny Filazantsaran’ny famonjena ho an’i Israely ity tantara ity satria:

1-I Jehovah Andriamanitra  no  miady fa tsy ny miaramila 

Mpiara-miasa amin’ Andriamanitra fotsiny i Davida , nolaviny ny sabatra sy ny lefona(and47). Tsy  misy zavatra tsy hain’ Andriamanitra atao(Mat 19.26). Ary isika koa, rehefa mino dia toloran’ Andriamanitra izay fahefana izay (Mar 9:2,3) ka afaka miatrika sy mandresy ny fahavalo rehetra noho ny finoantsika an’i Jesoa Kristy .

2-Ny fanolorantenan’i Davida dia sorona ho an’i Saoly sy ny firenena 

Tandindon’ny fanolorantenan’i Jesoa Kristy teo amin’ny hazo fijaliana izany , izay namonjeny ahy sy ianao ary izao tontolo izao manoloana ny herin’i satana. Ny fandresen’i Davida dia tandindon’ny fandresen’i Jesoa ary ny fahafatesan’i Goliata dia tsy inoana tsy akory fa fanehoana fa fahavalo efa resy hatrizay i satana. Koa na feno fihantsiana aza izy ao anaty olana saro-bahana atrehintsika , dia azo resena izy rehefa mino sy vono-kiantehitra amin’ny Fanahy Masina isika (Efa 3.20-21).

« Raiso ny Tenin’ Andriamanitra » Boky faha- 3