Alarobia 17 Oktobra 2018.

Fandalinana ny Bokin’i Josoa

JOSOA 20.1-9;21.-40

1-Andriamanitra marina Andriamanitra

Marina fa fahafatesana no  tambin’ny  ota . Ka raha nahafaty olona ny  olona iray  dia tokony ho faty  izy. Tsy  mandeha ho azy araka izany  anefa , hoy ny  Tompo, fa mila fantarina ny hoe:fanahy iniana sy  fankahalana ve no namonoany olona sa tsy nahy ? Fa raha tsy nahy , dia tokony hisy tanàna hofidina ho azony itsoahana. Tena porofon’ ny fahamarinan’Andriamanitra izany . Ary ho antsika , dia nanao mihoatra aza ny Tompo fa nomeny antsika i Jesoa ho  fialofana ho antsika , tsy  ny  amin’ny ota  tsy nahy ihany , fa tamin’ny fahotantsika rehetra . »Koa amin’izany dia tsy  misy fanamelohana ho an’izay ao amin’izay ao amin’i Kristy Jesoa « (Rom 8.1)

2-Tsy diso anjara ireo mpanompon’ Andriamanitra (Jos 21.1-42)

Na dia voalaza aza fa tsy  nomena zara tany toy ireo foko 11 hafa tamin’ny Israely ny Levita dia tsy maintsy  nomena tany onenana ihany izy ireo . Fitsinjovana ara-drariny azy ireo izany ary tsy azon’ny  fiangonana adinoina mihitsy. Ity lisitra lava notehirizin’ny Soratra masina ho antsika ity dia tena fanairana  ny fiangonana hihevitra  izany  ny  amin’ireo  mpanompon’ Andriamanitra miasa eo aminy .

Ho an’ Andriamanitra irery ny Voninahitra .

« Raiso ny Tenin’ Andriamanitra » Boky faha-2