Alatsinainy 15 Oktobra 2018.

Fandalinana ny  Bokin’i Josoa 

JOSOA 17.1-17

1- Ny  fanomezana anjara tany  ireo zanakavavy  tsy nanana anadahy (and3-6)

Zava-dehibe izany eo amin’ny fitsinjovana ny vehivavy. Fa efa hatramin’ny lalàn’i Mosesy no efa nisy fitsinjovana ny vehivavy toy izany . Mariho fa ireo zanakavavy ireo no nitaky ny  zony araka ny tenin’i Mosesy izay nampahatsiahiviny . Ianareo vehivavy , miorena koa amin’ny teny fikasan’ Andriamanitra dia aza menatra mitaky ny zonareo  ara-panahy  araka izany

2-Ny fanampiana ny  velaran-tany  ho an’ny taranak’i Josefa (and 14-17)

Eto koa dia ny taranak’i Josefa  no nangataka fanampiny, ary nomen’i Josoa izy , saingy tsy maintsy nandeha hiezaka nikapa ala matevina izy mba ho azo onenana, ary naka ny tanin’ny Kananita izay hary fitaovam-piadiana . Nomen’i Josoa toky anefa izy ireo fa handresy. Ary mba toy izany koa rehefa mangataka ianao dia mivonona handray ny andraikitrao , na dia  mety tsy ho mora aza izany .Matokia koa anefa fa tsy hiady irery ianao . Hampandresy anao i Jesoa .

Ho an’ Andriamanitra irery ny Voninahitra

« Raiso ny Tenin’Andriamanitra » Boky faha-2