Zoma 12 Oktobra 2018
Fandalinana ny Bokin’i Josoa
JOSOA 14.1-15
1-Ataovy mazava ny hatao (and1-5)
Jereo ange ny dinidinika fototra voalaza eto e : ny faritra hozaraina:Kanana, ny hizara azy Eleazara,i Josoa ary ireo loholona(and1),ny fomba fizarana azy: antsapaka,ny fitsipika mifehy ny fizarana : ny nandidian’i Jehovah (and2,5), ny hizarana ny tany : ireo firenena 9 sy sasany (and2), ny dinidinika tsara ho fantatra : momba ireo firenena 2 sy sasany ,ny Levita ary ny taranak’i Josefa (and3-4). Mazava avokoa ny zavatra rehetra vao hirosoana ny fizarana .Mba mahay manao toy izany ve isika rehefa miasa ?
2-Mijoroa tahaka an’i Kaleba!
Fa inona no nataony ?Mampahatsiahy ny teny fampanantenana natao taminy izy (and6.9). Ianao koa: aza adinoina ny teny fikasan’ Andriamanitra ho anao ao amin’i Jesoa Kristy (Jao 10.10) ohatra . Sahy nitaky ny zony izy hoe : »omeo ahy iry tendrombohitra iry izay efa nolazain’i Jehovah« (and12). Tano mafy ny Tenin’ ny Tompo dia mivavaha mifanaraka amin’izany fa manana izany zo ara-panahy izany koa ianao , tsy nipetra-potsiny niandry hotolorana izy(and10-11). Nambarany fa mbola afa-miady izy ka dia niady tokoa, nahay nanaja rafitra izy, nangataka ny tsodranon’i Josoa izy vao nihetsika , na zony aza izany (and13).
Ho an’ Andriamanitra irery ny Voninahitra
« Raiso ny Tenin’ Andriamanitra » Boky faha-2
