Alakamisy 11 Oktobra 2018.
Fandalinana ny Bokin’i Josoa
JOSOA 13.8-33
1-Zarao ny tany , hoy ny Tompo
Raha miverina kely amin’ny and 7 etsy aloha isika dia ny Tompo no nibaiko mba hizarana ny tany . Tena hendry ny Tompo . Mandamina ny fiainan’ny fireneny sy ny fiangonany Izy. Anjarantsika ny mihaino sy mankato ny baikony mba handaminana ny fiangonana fa « Andrian’ny fiadanana« Izy (Isa 9.5)ary « Tompon’ny fiadanana« (1 Kor 14.33).
2-Sarobidy ny tantara !
Marina fa i Josoa no nasaina nizara ny tany eto , saingy izay hitantsika eto dia mbola ny ataon’i Mosesy (and32)avokoa aloha. Indraindray tokoa manko alaim-panahy isika mpitondra hihevitra fa manomboka amin’ny fahatongavantsika ny tantaran’ny asan ‘Andriamanitra . Diso anefa izany . Efa nisy mpanompon’ Andriamanitra nirahiny teo . Tsy azontsika odian-tsy hita ho toy ny tsy nisy izay niarahan’izy ireny niasa tamin’ny Tompo .
3-Tsy nomena zara tany ny Levita !
Miverina indroa eto izany (and14,33), saingy tsy hoe: tsy nahazo zara tany izy ireo dia ny mahantra indrindra, Tsia! izy ireo aza no nahazo ny tsara indrindra : « i Jehovah Andriamanitry ny Israely no lovany « (and33). Fatratra izany ! Isika koa , i JESOA no tena harentsika . Vakio ny Rom 8.32
Ho an’ Andriamanitra irery ny Voninahitra .
« Raiso ny Tenin’ Andriamanitra » Boky faha- 2