Zanaky ny Mpitandrina FJKM/ Fihaonambe I
FIHAONAMBEN’NY ZANAKY
NY MPITANDRINA 2018.
Hotanterahina ny 26,27,28 Septambra 2018 ny FIHAONAMBE VOALOHANY ho an’ny ny Zanaky ny Mpitandrina FJKM manerana ny sahan’ny FJKM .
Ny fanokafana dia ny Alarobia 26 Septambra 2018 , manomboka amin’ny 8 ora maraina , ao amin’ny Sehatra Antsahamanitra Antananarivo.
Asaina amin’izany avokoa ny zanaky ny Mpitandrina mbola amperinasa , ny zanak’ireo Mpitandrina efa misotro ronono , ny zanaky ny Mpitandrina efa nodimandry anatin’ny fe-potoana 14 TAONA no ho miakatra .
Ny fahatongavana dia miankina amin’ny fandaminan’ny tsirairay fa tsy misy ny fandaminana manokana . Ny 25 Septambra 2018 no fandraisam-bahiny ao Antsahamanitra fanomezana ny andinindiny mahakasika ny Fihaonambe . Ho an’ireo tsy manan-kovantanina dia aoka hampilaza mialohan’ny 15 Septambra 2018 , hijerena izay azo atao .
Hisy ny fiofanana ara-tSoratra masina , Takalo sehatra avy amin’ny isan-tSynodamparitany , fifampizarana samihafa, fijoroana ho vavolombelona ataon’ny zanaky ny Mpitandrina amin’ny sehatra samihafa .
Ento am-bavaka izany Fihaonambe izany hitondra fampandrosoana amin’ny asan’ Andriamanitra .
» Tsy manana fifaliana mihoatra noho izao aho dia ny andrenesako fa mandeha araka ny fahamarinana ny zanako« 3 Jaona 1 : 4