FJKM Mandroseza/ Tsangambato fisotrondronono
Jobily fisotrondrononon’ny Mpitandrina
JONHSON Justin mianakavy
TAFATSANGANA NY “AKANIN’NY FINOANA”
Vita soa aman-tsara ny “Akanin’ny Finoana”, izay tsangambaton’ny Jobily fisotrondrononon’ny Mpitandrina JONHSON Justin avy ao amin’ny FJKM MANDROSEZA Ankadindratombo Miray (MAMI) SP AA 12. Ny Komitin’ny fananganana ny tranon’ny Mpitandrina no nitarika ny fanorenana ary eny Mahitsy Alasora amin’ny lalana mizotra ho eny Ambohimanambola no misy azy io.
Ny Zoma 01 Jona 2018 lasa teo no nitokana azy ny FOIBE FJKM, izay notarihin’ny Filoha Atoa IRAKO ANDRIAMAHAZOSOA Ammi, Mpitandrina, ny Prezidà Synodaly Atoa RABENANTOANINA Philibert, Mpitandrina, ny mpitandrina ao amin’ny FJKM MAMI Atoa RANDRIANARIMANITRA Désiré, ary ny vahoaka kristiana tao amin’ny fiangonana mbamin’ireo vahiny nasaina.
Isaorana an’Andriamanitra noho ny fahavitan’ny trano. Isaorana ihany koa ny Mpitandrina sy ny komitin’ny fananganana, ireo kristiana rehetra ao amin’ny fiangonana MAMI, ireo malala tanana tamin’ny fanampiana rehetra ary isika rehetra. Ho an’Andriamanitra irery ny voninahitra.
Ramatoa JONHSON Hanitra