Alatsinainy 23 Aprily 2018.

Manolotra ny fiainany ny  Tompo

Levitikosy 4.13-21

Ny  fanaovana  fanatitra noho ny  ota  no làlana  ho an’ny mpisorona sy ho  an’ny  fiangonana rehetra nanao  ota tsy nahy , hiverenana amin’ Andriamanitra

Ny ahazoana famelankeloka

1-Fanatitra alatsa-drà

Noho  ny  fahotana  dia tapaka ny  fifandraisana amin’ Andriamanitra . NY ran’ny  vantotr’ombilahy no mila alatsaka  hamerenana indray  izany  . Eo  anoloan’ny  tranolay  fihaonana  ao anatiny  sy  eo  am-baravarany (and16-18) no atete izany. Izany  hoe: eo anelanelan’ny  toerana masina indrindra misy an’ Andriamanitra sy ny toerana masina fanompoan’ny  mpisorona. Ny  ran’i Jesoa Kristy  latsaka teo ambony hazo fijaliana , dia ampy  sy feno  hisolo  ny karazan’ny otan’ny  zanak’olombelona   rehetra . Fanatitra  tokana sy  tanteraka  io , ka azo  antoka indrindra .

2-Fanatitra mahafaka ota

Ny  ambin’ny « vantotr’ombilahy rehetra kosa dia havoakany ho eny  ivelan’ny  toby ka hodorany »(and21a). Manambara  izany  fa tsy  manana toerana eo  anivon’ny  vahoakan’ Andriamanitra intsony ny fahotana . Manamarina izany  ny ambaran’i Paoly Apostoly hoe: »Koa raha misy  olona ao  amin’i Kristy  dia olom-baovao izy« (2 Kor 5.17). Azo antoka sy  tonga lafatra  ny  famelan-keloka rehefa  ao  amin’i Jesoa Kristy . Azo antoka sy tonga lafatra ny famelankeloka  rehefa ao amin’i Jesoa Kristy. Anjarantsika mpino  ny mamoaka ivelan’ny fiainantsika izay rehetra  endrika pentipentin’ny ota ka maharatsy na mahatapaka mihitsy  ny fifandraisantsika amin’ Andriamanitra.

Fanontaniana:

Inona no antoka ho antsika hilazana fa voavela heloka ?

Birao Sekoly Alahady FOIBE FJKM