SP AA11 / F. Katekomena 2018.
FIHAONAMBEN’NY KATEKOMENA
Tontosa soamantsara ny fihaonamben’ny katekomena teto amin’ny synodam-paritany Antananarivo Atsimo ny Alakamisy 29 martsa 2018 lasa teo teny amin’ny FJKM Malaza Gileada .Nanomboka tamin’ny 9ora maraina ny fotoana izay natomboka tamin’ny fanompoam-pivavahana notarihin’ny Mpitandrina RANDRIANARIMANANARIVO Tsimbaharison.
Ny Tenin’Andriamanitra tamin’izany dia noraisina tao amin’ny Matio 26 :30-35 izay nitondra ny hafatra hoe : ny Tompo dia mitarika antsika hivavaka sy hanao fiderana ,mitarika ihany koa mba hahalala fa i Jesoa Kristy no famonjena antsika amin’ny fahotantsika ka hibebahantsika Aminy .
Araka ny fandaharam-potoana dia fiofanana andiany roa no natao tamin’izany.
Lohahevitra voalohany “ny Katekomena sy ny Adidy” izay novelabelarin’ny Mpitandrina RABELISON HARIMANITRA Manassé (Presidà synodaly).Navoitrany tamin’izany ny famaritana ny adidy,ny olona tokony hanao izay,ireo karazana adidy sy ny anton’ny adidy ary ny toe- tsaina enti-manatanteraka izany .
Faharoa manaraka izany « ny Katekomena mandray anjara amin’ny asa fitoriana ny Filazantsara »tontosain’ny Mpitandrina RANDRIANARISON Emmanuel(filohan’ny AFF SP) .Nasongadiny tao anatin’izany ny atao hoe katekomena ,ireo fepetra tsy maintsy arahina amin’ny fianaran’ny Katekomena .Eo ihany koa ny hoe :mandray anjara amin’ny fitoriana ny Filazantsara ny Katekomena ary ny hoe : momba antsika ny Tompo .
Koa ny tanjona kendren’ny Synodamparitany amin’izao Fihaonambe izao dia ny mba hisian’ny fitoviam-pijery sy ny mba hisian’ny fitoviam-pahalalana isaky ny Fiangonana ary ny mba hisarihana azy ireo amin’ny famonjem-pivoriana.Ity fihaonamben’ny Katekomena ity dia efa fandaharam-potoana raikitra eto anivon’ny Synodamparitany Antananarivo Atsimo.
RATOVELO Mahery (santatra fahazavana)
RAKOTOARIMANANA Tsanta Finaritra