Asa FIfandraisana sy FAmpahalalamBaovao 2018.
Fandaharana iombonana
Alahadin’ny AFIFAB 25 Martsa 2018.
Mibebaha eo anatrehan’ny Tompo
1- Fiarahabana Apostolika : Ho aminareo anie ny fahasoavan’i Jesoa Kristy Tompontsika
2-Fisaorana sy fiderana : Sal 105.1-7
Hira 36.1,2
Vavaka fiderana
3-Fanambarana ny sitrapon’ Andriamanitra : Isaia 60 .1-3
Sambatra ny mahitsy làlana …
Hira 317.4
4-Vavaka fiaikenkeloka
Hira FF 33.1-3
5-Famelankeloka (mitsangana ny fiangonana)
Sambatra ny olona izay voavela ny helony …
Hira FF26.2
6-Fanekempinoana Apostolika (mipetraka aorian’ny Fanekempinoana)
Fotoana ho an’ny ankizy sy ny tanora
7-Raharaham-piangonana sy famakiana ny HAFATRA /AFIFAB-FOIBE
Rakitra : Hiran’ny Antoko mpihira na sampana
Fanolorana ny Rakitra : »Ry Tompon’ny harena ô »
8-Soratra masina :
Hira 200 .3
Vavaka vakiteny
Vakiteny :
Zakaria 9.9-11
Mat 21.1-11
1 Pet 2.1-10
« Ray masina ô , manamasina anay amin’ny fahamarinana , ny teninao no fahamarinana «
Hira 190.1,3
9-Toriteny:
Hira : Antoko mpihira na sampana
10-Vavaka fangatahana
Hira 351.1,2
Tsodrano
Amin’ny Anaran’ny Ray sy ny Zanaka sy ny Fanahy Masina
………………………………………………………………………………………………………………………….
HAFATRA
Ho aminareo mandrakariva anie ny fiadanan’ ny Tompo
Isaorantsika Andriamanitra fa noho ny fitahiany dia mizotra tsara ny asan’ny AFIFAB FJKM hatramin’izao dia ireo sehatra efatra izany : Radio Fahazavana , Gazety Marturia vavolombelona , ny Tranokalampifandraisana (site web) ary ny Arofenitra .
Afaka nankalaza Azy isika tamin’iny taona iny noho ny faha- 35 taonan’ny AFIFAB-FJKM sy ny faha- 20 taonan’ny Radio Fahazavana .
Raha mbola sitrapony ihany koa dia hitokana ilay pylônen’ny Radio Fahazavana etsy Ambohibe Ilafy isika amin’ny volana Aprily izao .
Isaorana ny Foibe FJKM, ny Synodamparitany , ny Fitandremana , ny Sampana samihafa eo anivon’ny fiangonana , ny kristiana tsirairay nanohana ny AFIFAB tamin’ireo asa ireo . Na teo amin’ny fitondrana am-bavaka na teo amin’ny fanampiana sy ny tolo-tànana samihafa teo amin’ireo ezaka niantsoana antsika rehetra . Matoa ireo asa ireo no tanteraka dia noho ny tsirairay nanao izay manandrify azy : ny mpiasa , ny teknisiana ,ny mpikirakira samihafa ary indrindra isika vahoaka kristiana FJKM manomboka any amin’ny Filoha sy ny Biraon’ny Mpiandraikitra Foibe ka hatrany amin’ny kristiana isam-pitandremana .
Ankasitrahana isika fitandremana nanao rakitra ho fanohanana ny asan’ny AFIFAB, ny fotoana toy izao mantsy no hanohanantsika amin’ny endrika hita maso sy am-bavaka ny asan’ny Fifandraisana , ka eo ny hanao izany amin’ity andro anio ity na amin’ny andro mahamety izany . Tsarovy fa « Andriamanitra tsy mba tsy marina ka hanadino ny fitiavana nasehonareo ho voninahitry ny anarany . Hebreo 6.10a
Isaorantsika ny fitondram-panjakana fa azo ny alalana hanitatra ny Radio Fahazavana amin’ireto toerana manaraka ireto : Ambatondrazaka , Sambava, Tomasina, Fianarantsoa,Miarinarivo,Moramanga sy Ambatolampy . Manantena isika fa ho azo tsy ho ela koa ny fanokafana ny televizionan’ny FJKM .
Amin’izao taon-jobilly iainan’ny Fiangonana izao sy aoa anatin’ny ezaka « Vontosy Filazantsara ny Nosy Madagasikara » dia fitaovana tsy azo ihodivirana sy tena ilaina ny sehatry ny fampahalalambaovao , na ny Radio na ny Gazety na ny Tranokala na ny famokarana fandaharana amin’ny Televiziona ihany koa dia tena ilaina tokoa hanapariahana ny Filazantsara . Koa mba hahafahana mampahanatatra ny asan’ny Fiangonana eto amin’ny firenena sy manerantany , entina hitoriana ny Filazantsara dia manao antso avo izahay amintsika mba hifanohana . Koa raha misy àry isika manana faniriana hanao tolo-tànana hanampiana ireo sehatra asa ireo , indrindra ihany koa hitondra ny anjara biriky amin’ny fampitaovana ho fanapariahana ny Radio any amin’ny faritra dia raisinay am-pitiavana ao amin’ny AFIFAB ao amin’ny Foibe FJKM, trano Ifanomezantsoa Analakely , Rihana faha- 6 izay anjara biriky entinareo ary isaorana anareo am-pitiavana etoana izany .
Manonona ny fiadanan’ny Tompo ho aminareo rehetra izany .
Ny Filohan’ny Komitin’ny AFIFAB-FJKM
Rafanonerantsoa Valisoa , Mpitandrina
Ny Talen’ny AFIFAB
RAZAFIMALALA Tantely H.