SP 12 / Fiofanana SAFIF
SP Antananarivo AtsinananaNiatrika fiofanana faharoa ny SAFIF
Tontosa soa aman-tsara ny fiofanana faharoa ho an’ny SAFIF Synodamparitany Antananarivo Atsinanana ny Zoma 10 sy Sabotsy 11 Novambra 2017 lasa teo tao amin’ny FJKM Andrainarivo Fahasoavana. Fiofanana izay niantsoana ny Mpiomana, Mpiandry, Zanaky ny Fifohazana ary ny Mpitandrina.
Fampianarana nitondrana lohahevitra 3 no notanterahina ny andro voalohany izay niarahana tamin’ireo mpampiofana telo. Teo ny Iraka Neny Volana, izay namelabelatra ny amin’ ny “Fifohazana sy ny firongatry ny fanompoan-tsampy ary ny vokatr’izany eo amin’ny firenena”. Ny Mpitandrina Tonganandrasana Filohan’ny SAFIF Iarivo Avaradrano kosa no nitondra fampianarana niompana tamin’ny hoe “Ny lanjan’ny fisian’ny Toby eo amin’ny fiainam-pifohazana”. Namarana azy ny Mpitandrina RABEHATONINA James izay nanazava “Ny Litorjian’ny fanorenam-pasana sy ny fanokanam-pasana ary ny famadihana”.
Ny Sabotsy kosa dia nifantoka tanteraka tamin’ny fankalazana an’Andriamanitra noho ny faha 20 taonan’ny SAFIF SP.Heritiana R. S-F