Hafatry ny Filoha / Martsa 2018.

Vontosy Filazantsara ny Nosy Madagasikara!

Ry Fiangonana ô, meteza,
mijoroa sy mahereza!
‘Ndeha efao
Ny iraka nomena anao
Fa ianao no andrandraina
Hitondra aina
Hoenti-manantena indray

Ho an’izay
Donafan’adim-piainana
Anaty fitaintainana
Efa ho isan’andro vaky
Fa reraka mitaky
Ny zony mba hiaina
Kanefa mahatsiaro fa toa very maina!

Ianao, ry Fiangonana,
no herim-pisoronana
hitondra famonjena
ho an’ny firenena!

Raha toa ianao mijoro
Dia hahatorotoro
Ny herim-paharatsiana
Mitondra fahoriana
Sy fahantrana adala
‘zay mampihoalahoala

Vahoaka tsy hita lany
Mihohoka amin’ny tany

Koa mijoroa, ry Fiangonana,
tafio ny tena fahavononana

VONTOSY FILAZANTSARA
NY NOSY MADAGASIKARA!

IRAKO ANDRIAMAHAZOSOA AMMI,

Mpitandrina , Filohan’ny FJKM