Fjkm Ambohipotsy / Fanokafana 150 t
FJKM RASALAMA MARITIORA AMBOHIPOTSYMiaina ny taon-jobily faha-150 taona
Miditra ao anatin’ny fankalazana ny faha-150 taona ny fiangonana ankehitriny ireo kristiana eny amin’ny FJKM Tranovato Rasalama Maritiora Ambohipotsy. Ny Alahady 19 Novambra 2017 . lasa teo no nanokafana izany ka nitarika ny fotoana ny Prezidà Synodaly Antananarivo Atsimo, RABELISON Harimanitra Manassé, Mpitandrina. Nitoriteny kosa ny Mpitandrina RAKOTONINDRAINY Jaona, Tonian’ny Departemanta Fiangonana, ary nakany ny hafatra dia ao amin’ny Salamo 72: 19b manao hoe “Ary aoka ny tany rehetra ho henika ny voninahiny. Amena dia Amena”, izay teny fanevan’izao jobily izao . Marihana fa io teny io ihany koa no teny faneva tamin’ny nanorenana ny trano fiangonana 150 Taona lasa izay .
Trano lehibe ahitana rihana telo nosalorana ny anarana hoe “Akany Rasalama” no tsangambato izay ezahin’ireo mpianakavin’ny finoana hovitaina sy tokanana amin’ny ivon’ny fankalazana ny 17 sy 18 Novambra 2018.
Andro izay mifanojo indrindra amin’ny nitokanana ny trano fiangonana 150 taona lasa izay, ny 17 Novambra 1868.
Marihina fa, taorian’ny fanompoam-pivavahana dia nisy fitsidihana ny fampirantiana an-tsary sy soratra mirakitra ny tantaran’ny fiangonana hatrany am-piandohany fahagola izay niaraha-nifarimbona tamin’ny Arsiva Nasionaly.
R.Philémon