FMBM / Fianarantsoa

Tobim-pamatsiana Baiboly sy Boky isankarazany

Nosokafana tamin’ny fomba ofisialy ny 12 Novambra 2017 ny tobim-pamatsian’ny Fikambanana Mampiely Baiboly Malagasy (FMBM) any Fianarantsoa raha nikatona nandritra ny volana vitsivitsy.

Notanterahina tao amin’ny “Espace Tombontsoa” Fianarantsoa ny fanompoam-pivavahana fisaorana an’Andriamanitra, izay niarahan’ny FMBM tamin’ireo tomponandraikitra eo anivon’ny Fiangonana, ireo tomponandraiki-panjakana eo an-toerana ary ny kristianina tsy an-kanavaka.

Nandritra izany fotoana izany no nanoloran’ny Foibe FMBM an-Rtoa RAMANANKANTENAINA Ainamahavonjy Julie, izay solontenan’ny FMBM hiandraikitra ny tobim-pamatsiana ao Fianarantsoa. »