Fiarahaban’ny FILOHA / Taombaovao 2017 .

HAFATRA TAOM-BAOVAO 2017 .

Amin’ny hafaliana be

No anoloram-piarahabana

Ho antsika mianakavy

nahatratra soa aman-tsara

izao taona vaovao izao !

Eny , isaorana ny Ray

Izay nitahy hatram’izay,

ary ankehitriny indray

Dia manavao ny indrafony

Ka manolotra ny Taona !

Enga anie ity taona ity

Hisehoan’ny Voninahiny

Mihoatra noho ny hatram’izay,

ka isika rehetrarehetra

Na ny isam-batan’olona

Na ny isan-tokantrano

Ho fahazavana sy ho fanasina

Izany Anarany malaza!

Enga anie ka hotahiana

Ny fikasana tsara  maro

Tsy hitoetra ho eritreritra

Na hatory an-taratasy

fa hivadika ho bainga,

tena asan’ny finoana

hiderana an’i Jesoa!

Enga anie isika rehetra

Izay mikambana ho Fiangonany

Tena ho feno ny Fanahy,

Tena hahajoro marina

Sy havitrika tokoa,

hiara-miezaka , hilofo,

ary tsisy hialangalana

Hamonto Filazantsara

Ny Nosy Madagasikara!

IRAKO ANDRIAMAHAZOSOA Ammi

Mpitandrina

Filohan’ny FJKM

Perikopa

Aza menatra ny ho vavolombelon'ny Tompo

  24 Septambra 2017-Ala XX .Trin SampAsa FFP
Jos 24.14-24 / Jao 9.24-38 / Rom 10.5-15

  17 Septambra 2017-Ala XIV man.Trin
1 Sam 17. 38-51 / Mar 15 .37-40 / Gal 2.11- 21

  10 Septambra 2017 – Ala.XIIIman.Trin.SampAsa AFF
Dan3.13-18 /Mar 8.34-38 / 2 Tim 1.6-12

  03 Septambra 2017 – Ala.XIIman.Trin
Sal 25.1-7   / Mat 27.57-61  / Jak  5.13-18

FJKM Fahazavana

Ny sabata