KRISMASY voalohany tao am-ponja
« Mazoto mitana ny firaisana avy amin’ny Fanahy amin’ny fehim-pihavanana. » (Efesiana 4:3)
TATITRA MIKASIKA NY KRISMASY VOALOHANY TENY AMIN’NY FONJA ANTANIMORA TAO ANATIN’NY FOLO TAONA NIASANA
Zavatra natao : Fankalazana krismasy sy nanaovana Sakramenta Batisa ary ny Sakramentan’ny Fanasan’ny tompo tao anatin’ny fiaraha-miombom-bavaka
Toerana nivoriana : Quartier des “mineurs” ao amin’ny fonja Antanimora
Fotoana : 18 desambra 2016 nanomboka t@ 9 ora
Lohahevitra Synoda lehibe : “koa aza menatra ny ho vavolombelon’ny Tompontsika” IITim 01:8)
Lohahevitra volana Desambra : “Ankalazana ny tompo ny asan’ny mino”
TENIN’ANDRIAMANITRA NANDRAISANA SAKAFOM-PANAHY :
“ Ary dia feno ny Fanahy Masina Zakaria rainy ka naminany hoe : Isaorana anie ny Tompo Andriamanitry ny Isiraely; Fa nitsinjo ny olony Izy ka nanao fanavotana ho azy, Ary nanangana tandro-pamonjena ho antsika Amin’ny taranak’i Davida mpanompony Izy (Araka izay nampilazainy ny mpaminaniny masina hatramin’ny fahagola), Dia famonjena antsika amin’ny fahavalontsika, sy amin’ny tànan’izay rehetra mankahala antsika; Manefa famindram-po amin’ny razantsika Izy Sady mahatsiaro ny fanekeny masina, Dia ny fianianana izay nianianany tamin’i Abrahama razantsika, Hanao izay hahazoantsika hanompo Azy tsy amin-tahotra, Satria afaka amin’ny fahavalontsika isika, Amin’ny fahamasinana sy ny fahamarinana eo anatrehany amin’ny andro rehetra hiainantsika. Ary ianao, ry zaza, dia hatao hoe mpaminanin’ny Avo Indrindra; Fa hialoha eo anatrehan’ny Tompo ianao hamboatra ny lalany. Hanome ny olony ny fahalalam-pamonjena amin’ny famelana ny helony, Noho ny halehiben’ny famindram-pon’Andriamanitsika, izay hiposahan’ny mazava avy any amin’ny avo ho antsika. Hamirapiratra amin’izay mipetraka ao amin’ny maizina sy ao amin’ny aloky ny fahafatesana, Hanitsy ny diantsika ho amin’ny lalam-piadanana. Ary ny zazakely nitombo ka nihahery tam-panahy; ary nitoetra tany an-efitra izy ambara-pahatongan’ny andro nisehoany tamin’ny Isiraely. “ (Lioka 1:67-80)
IREO TOMPONANDRAIKITRA NIASA NANDRITRY NY FOTOAM-BAVAKA :
- Nitarika : Rtoa Ramanamirija Arisoa, K
- Namaky teny :Rtoa Rakotosahondra, mpandrindra ny asa ao amin’ny Fonja, Atoa Rakotondrasoa Mamy, solotenan’ny SLK Foibe
- Nitondra ny hafatr’Andriamanitra : Rtoa Ramanandalana Gisele, KD
- Nanao ny Batisa sy ny mpandray vaovao ary nyampandray :Rtoa Ramarosoa Hary Imbololona, mpitandrina sy Rtoa Ramanandalana Gisèle,KD
- Nitondra ny hafatra avy any amin’ny Talen’ny Fonja analamanga :Atoa Befila Coco Yvon, Pastora
Nihira ireo ankizy gadra ho fiderana an’andriamanitra sy ho famaranana ny fotoam-pivavahana izay nankalazana ny Krismasy
Isan’ireo ankizy gadra nanolotena natao batisa : 4
- Isan’ireo ankizy gadra nanolotena ka noraisina mpandray vaovao taorian’ny fianarany nandritry ny heritaona : 2
- Ny natao ho marim-pifaliana amin’ny fankalazana ny andro Krismasy, ahatsiarovana ny nahaterahan’i Jesoa Kristy Tompo niaraka tamin’ireo ankizy gadra ao amin’ny fonja Antanimora tamin’io andro alahady io :fizarana vatomamy sy Tenin’Andriamanitra ho an’ny ankizy voafonja
IREO HAFATRA REHETRA NOMENA IREO ANKIZY GADRA ENY ANTANIMORA :
- Tsara Andriamanitra koa rariny raha manao ny tsara hatrany isika mpino kristiana na ankizy na olon-dehibe
- Hendre tsara ary raiso ny fahendren’Andriamanitra ho fiainana
- Aza miova amin’ny fanompoana masina izay efa atao
- Tadidio mandrakizay fa tsy ho foana tsy akory ny fanoloran-tenanao ho an’Andriamanitra
- Ny tena fahafahana dia ny fandraisana an’I Jesoa Kristy Tompo ao anaty
- I Jesoa Kristy no Mpamonjy tsara indrindra satria manana ny fahefana rehetra any an-danitra sy ety an-tany sady tompon’ny fiadanana, koa raiso ao am-po Izy ho famonjena.
nangonin’i Mamy
AFIFAB/SP11